Proverbs 28:2 — Compare Translations

2 translations compared side by side

ၵွပ်ႈပိူဝ်ႈဢပႅတ်ႈၵူၼ်းဝၢၼ်ႈၵူၼ်းမိူင်းလႄႈ ၶုၼ်ၸၢင်ႈမီးၼမ်ၼႃႇဢေႃႈ။ ၵွပ်ႈပိူဝ်ႈၵေႃႉဢၼ်ပျေႉၸုမ်ႇတင်းၺၢၼ်ႇ ဢိၵ်ႇတင်းပိင်ႇၺႃႇ တၢင်းဢၼ်ႁူႉဢၼ်ၸႅင်ႈၼၼ်ႉလႄႈ ဢသၢၵ်ႈမိူင်းၸၢင်ႈယၢဝ်းယိုၼ်းဢေႃႈ။-

ၵွပ်ႈပိူဝ်ႈၵူၼ်းဝၢၼ်ႈၵူၼ်းမိူင်းမီးဢပျတ်ႈၼၼ်ႉၶုၼ်ၸၢင်ႈလႆႈလၢႆႈပႅတ်ႈၵေႃႉၼိုင်ႈယဝ်ႉၵေႃႉၼိုင်ႈဢေႃႈ။ ၵူၺ်းၵႃႈ၊ၵွပ်ႈပိူဝ်ႈၶုၼ်ဢၼ်မီးပိင်ႇၺႃႇၼၼ်ႉၸၢင်ႈဢုပ်ႉပိူင်ႇႁႂ်ႈဝၢၼ်ႈမိူင်းႁႅင်းယႂ်ႇလႄႈတႄႇမၼ်ႈဢေႃႈ။