Psalms 31:13 — Compare Translations

2 translations compared side by side

ၶႃႈၸဝ်ႈလႆႈငိၼ်းတၢင်းဢၼ် ၵူၼ်းၼမ်ၼႃႇ ၶၢႆၸိုဝ်ႈၶႃႉသဵင်ၼၼ်ႉလႄႈ၊ လွင်ႈတၢင်းဢၼ်လီၵူဝ်လီႁႄၼၼ်ႉ မီးယူႇၵူႈၽၢႆႇၵူႈပႃႈတီႈၶႃႈဢေႃႈ။ ၼႂ်းမိူဝ်ႈဢၼ်ၶဝ် ဢွၼ်ၵၼ်ယူႇၽၢႆႇၼိုင်ႈတင်းၶႃႈၸဝ်ႈသေလႄႈ တိူင်ႇပၢင်ႇလၢတ်ႈၸႃၵၼ်ယူႇၼၼ်ႉၸိုင်၊ ၶဝ်ၵျၢမ်ႇပွင်ႁႂ်ႈလႆႈဢဝ်ဢသၢၵ်ႈၶႃႈၸဝ်ႈတၢႆတီႈၶႃႈဢေႃႈ။-

ၶႃႈၸဝ်ႈလႆႈငိၼ်းသဵင်သွပ်ႉသႅပ်ႉ ဢၼ်ရၢၼ်ႇသူႇ ၶႃႈၸဝ်ႈတင်းလၢႆၶႃႉၸိုဝ်ႈၶၢႆသဵင် ၶႃႈၸဝ်ႈ၊သေလႄႈ၊ လွင်ႈတၢင်းဢၼ်လီၵူဝ်လီႁႄမီးယူႇၵူႈၽၢႆႇၵူႈပႃႈတီႈၶႃႈဢေႃႈ။ ၶဝ်ဢွၼ်ၵၼ်တိူင်ႇပၢင်ႇလၢတ်ႈၸႃယူႇၽၢႆႇၼိုင်ႈတင်းၶႃႈၸဝ်ႈသေလႄႈ ၵျၢမ်ႇဢဝ်ဢသၢၵ်ႈၶႃႈၸဝ်ႈတၢႆတီႈၶႃႈဢေႃႈ။