Psalms 75:8 — Compare Translations

2 translations compared side by side

ၵႃႈၼႂ်းမိုဝ်းထႃႇဝရႃႉၽြႃးၼၼ်ႉ မီးၵွၵ်းယူႇလႄႈ ပႃးတင်းၼမ်ႉၸပိတ်ႈ ဢၼ်ပူၵ်ႇမၼ်းလိူတ်ႇၶိုၼ်ႈပုၼ်းၶိုၼ်ႈၼၼ်ႉယူႇဢေႃႈ။ မီးတၢင်းဢၼ်ဢဝ်ၼမ်ႉယႃသႂ်ႇလေႃးဝႆႉလႄႈ၊ မၼ်းၸဝ်ႈဢဝ်ၼမ်ႉၸပိတ်ႈၼၼ်ႉ ထွၵ်ႇသႂ်ႇဢေႃႈ။ ယိူဝ်ႇမၼ်းယေႇမၼ်းၸိူဝ်းၼၼ်ႉၵေႃႈ၊ ၵူၼ်းလိၼ်မိူင်းဢၼ်ဢမ်ႇတြႃးတင်းသဵင်ႈတင်းလူင် လႆႈဢွၼ်ၵၼ်မိပ်ႇလႄႈသူတ်ႉၵိၼ်ဢေႃႈ။-

ထႃႇဝရႃႉၽြႃး၊ ယိပ်းၵမ်ၵွၵ်းဝႆႉၵႃႈၼႂ်းမိုဝ်းမၼ်းၸဝ်ႈလႄႈၵွၵ်းၼၼ်ႉတဵမ်ဝႆႉ၊ တင်းၼမ်ႉမၢၵ်ႇၸပိတ်ႉဢၼ်ၶိုၼ်ႇၼႃႇဢၼ်ဝႃႈတေႃးသႃႉမၼ်းၸဝ်ႈၼၼ်ႉဢေႃႈ။ မၼ်းၸဝ်ႈဢဝ်ၼမ်ႉမၢၵ်ႇၸပိတ်ႉၼၼ်ႉထွၵ်ႇဢွၵ်ႇလႄႈ၊ ၶဝ်ၸိူဝ်းဢၼ်ႁၢႆႉဢၼ်မိူၵ်ႈတင်းသဵင်ႈတင်းလူင်ဢွၼ်ၵၼ်သူတ်ႉၵိၼ်ဢေႃႈ။ ၶဝ်ဢွၼ်ၵၼ်သူတ်ႉၵိၼ်တေႃႇပေႃးမူတ်း ပေႃးၵဵင်ႈဢေႃႈ။