Revelation 19:6 — Compare Translations

2 translations compared side by side

ၵမ်းၼၼ်ႉ ၵဝ်ငိၼ်းသဵင်ပဵၼ်ၸိူဝ်ႉၼင်ႇ သဵင်ၵူၼ်းၼမ်ၼႃႇ ဢၼ်ၸူႉၵၼ်တုမ်ၵၼ်၊ ၸိူဝ်ႉၼင်ႇ သဵင်ၼမ်ႉသမ်ႇမုၵ်ႉတြႃႇ၊ ၸိူဝ်ႉၼင်ႇ သဵင်ၽႃႉလင်ဢၼ်ႁႅင်းၼႃႇၼၼ်ႉ လၢတ်ႈလႄႈဝႃႈ၊ ႁႃႇလေႇလူႉယႃႇ၊ ထႃႇဝရႃႉၽြႃးပဵၼ်ၸဝ်ႈႁဝ်းၶႃႈ၊ ၸဝ်ႈဢၼ်ပျေႉၸုမ်ႇတင်း ဢၼၼ်ႇတႃႉတၼ်းၶူဝ်းၼႆႉ ၸၢမ်ႇၸႃးတီႈၶႃႈဢေႃႈ။-

မိူဝ်ႈၼၼ်ႉၵဝ်သမ်ႉလႆႈငိၼ်းသဵင်ဢၼ်ဢူၼ်မေႃးမိူၼ်ၸိူဝ်ႉၼင်ႇသဵင်ၵူၼ်းၼမ်ၼႃႇဢၼ်ၸုတုမ်ၵၼ်၊ဢိၵ်ႇတင်းမိူၼ်ၸိူဝ်ႉၼင်ႇသဵင်ၼမ်ႉတူၵ်းတၢတ်ႇ၊ဢိၵ်ႇတင်းမိူၼ်သဵင်ၽႃႉလင်ၽႃႉၽႃႇၼၼ်ႉလႄႈလၢတ်ႈဝႃႈ၊ “ႁႃႇလေႇလူးယႃႈ။ ထႃႇဝရႃႉၽြႃး၊ၽြႃးပဵၼ်ၸဝ်ႈႁဝ်းၶႃႈဢၼ်ပဵၼ်ၸဝ်ႈဢၼၼ်ႇတႃႉတၼ်းၶူဝ်းၼႆႉဢုပ်ႉပိူင်ႇၸၢမ်ႇၸႃးယူႇဢေႃႈ။-