Ruth 4:11 — Compare Translations

2 translations compared side by side

ၵူၼ်းၵႃႈဢၼ်မီးၵႃႈၼႂ်းၽၵ်းတူဝဵင်း ဢိၵ်ႇတင်းၵူၼ်းဢၼ်ပဵၼ်ၵႄႇပဵၼ်ႁူဝ်ၸိူဝ်းၼၼ်ႉၵေႃႈ ဢွၼ်ၵၼ်ၶိုၼ်းလၢတ်ႈလႄႈဝႃႈ၊ ႁဝ်းပဵၼ်သၢၵ်ႈသေႇဢေႃႈ။ ႁႂ်ႈထႃႇဝရႃႉၽြႃး ႁဵတ်းႁႂ်ႈမႄႈယိင်းဢၼ်ႁွတ်ႈထိုင်ၵႃႈၼႂ်းႁိူၼ်းမႂ်းၼၼ်ႉ ပဵၼ်ၸိူဝ်ႉၼင်ႇ ရႃႇၶေႇလႃႉ ဢိၵ်ႇတင်း လေႇဢႃႇ သွင်ၵေႃႉဢၼ်တႄႇႁဵတ်းမဵဝ်း ဢီႉသရေႇလႃႉ ၼၼ်ႉသေၵမ်းလူၺ်ႈ။ မႂ်းၵေႃႈႁႂ်ႈပျေႉၸုမ်ႇတင်း တၢင်းၵတ်ႉတၢင်းၶၼ် ၵႃႈတီႈ ဢေႇၽရတ်ႉ လႄႈ မီးတၢင်းဢၼ်သရေႇႁူင်ႁၢင်း ၵႃႈတီႈဝဵင်း ပႅတ်ႉလႁႅမ်ႇ သေၵမ်းလူၺ်ႈ။-

ၵူၼ်းပဵၼ်ၵႄႇပဵၼ်ႁူဝ်တင်းလၢႆဢိၵ်ႇတင်းၵူၼ်းတၢင်ႇၵေႃႉဢၼ်ယူႇၵႃႈတီႈၼၼ်ႈၵေႃႈ၊ဢွၼ်ၵၼ်လၢတ်ႈလႄႈဝႃႈ၊ “ၸႂ်ႈယဝ်ႉ၊ႁဝ်းပဵၼ်သၢၵ်ႈသေႇဢေႃႈ။ ႁႂ်ႈ ထႃႇဝရႃႉၽြႃး၊ ႁဵတ်းႁႂ်ႈမႄႈယိင်းဢၼ်တၵ်းပဵၼ်မေးမႂ်းၼႆႉၶိုၼ်ႈယႂ်ႇမိူၼ်ၸိူဝ်ႉၼင်ႇ ရႃႇၶေႇလႃႉ၊ တင်း လေးဢႃႇ၊ ၶဝ်သွင်ၵေႃႉဢၼ်တႄႇတင်ႈၸိူဝ်ႉၶိူဝ်းၵူၼ်းမဵဝ်း ဢိသရေး၊ ၼၼ်ႉသေၵမ်းလူၺ်ႈ။ မႂ်းၵေႃႈႁႂ်ႈမၢၵ်ႈမီးလီပဵၼ်ၵႃႈၼႂ်းၶိူဝ်းလုၵ်ႈလၢၼ် ဢေႇၽရတ်ႉ၊ လႄႈမီးသရေႇႁူင်ႁၢင်းၵႃႈၼႂ်းဝဵင်း ပႅတ်ႉလႁႅမ်ႇ၊ သေၵမ်းလူၺ်ႈ။-