Song of Solomon 5:2 — Compare Translations

2 translations compared side by side

ပိၵ်ႉသမ်ႉၵဝ်ၼွၼ်းလပ်းယူႇသေၵေႃႈ၊ ႁူဝ်ၸႂ်ၵဝ်တိုၼ်ႇယူႇဢေႃႈ။ ပဵၼ်သဵင်ၸဝ်ႈဢၼ်ၵဝ်ႁၵ်ႉပႅင်းၼႃႇၼၼ်ႉ တွႆႇယူႇသေလႄႈဝႃႈ၊ ၼွင်ႉယိင်းၵဝ်ၸဝ်ႈဢိူၺ်း၊ ၼၢင်းဢၼ်ၵဝ်ၸဝ်ႈႁၵ်ႉၼႃႇဢိူၺ်း၊ ၼူၵ်ႉတူႈၵဝ်ၸဝ်ႈဢိူၺ်း၊ ၵေႃႉဢၼ်ၸေးၸုမ်ႇၵဝ်ၸဝ်ႈဢိူၺ်း၊ ၽုၺ်ႇပၼ်တီႈၵဝ်ၸဝ်ႈသေၵမ်း။ ၵွၵ်းႁူဝ်ၵဝ်ၸဝ်ႈၼႆႉ ယမ်းၼမ်ႉၼၢႆးလႄႈၶူၼ်ႁူဝ်ၵဝ်ၸဝ်ႈၼႆႉ ယမ်းမဵတ်ႉၼမ်ႉၼၢႆး ဢၼ်ၸၢင်ႈယွတ်ႇတူၵ်းၶိင်ႇ ၵၢင်ၶိုၼ်းၼၼ်ႉဢေႃႈ။

ပိၵ်ႉသမ်ႉၶႃႈၼၢင်းၼွၼ်းလပ်းသေၵေႃႈ ႁူဝ်ၸႂ်ၸိုင်၊တိုၼ်ႇယူႇဢေႃႈ။ ၶႃႈၼၢင်းၼွၼ်းၽၼ်ႁၼ်ၸဝ်ႈဢၼ်ၶႃႈၼၢင်း ႁၵ်ႉၼၼ်ႉတွႆႇၽၵ်းတူယူႇဢေႃႈ။ ၼၢင်းဢၼ်ၵဝ်ႁၵ်ႉပႅင်းၼႆႉ႟။ ၼၢင်းဢၼ် ၵဝ်ၸႂ်ၸပ်း႟။ ၼူၵ်ႉတူႈၵဝ်႟။ ႁႂ်ႈၵဝ်လႆႈၶဝ်ႈၸူးတီႈ မႂ်းၼၢင်းတႃႉ၊ ၵွၵ်းႁူဝ်ၵဝ်ယမ်းၼမ်ႉၼၢႆးလႄႈၶူၼ်ႁူဝ်ၵဝ် ယမ်းၼမ်ႉမူၺ်ယူႇယဝ်ႉ။