2 Kings 10:6 — Compare Translations

Sukuma 2019

Hūna ū Yehu ūbandīkīla nyalūba yīngī alībawīla, “Ūlū mulī kū lwandī lwane, na mulīzunya ū kwīta gīt'ūmo nalīmulagīīlīla, na lūūlū batīnagi ī mitwe a bitūnja ba ng'wa sīng'we būgonzo, ng'wize Yezileeli ūko nalī kūnū; a makanza gīt'aya ī ntondo mubize ng'washikaga aha.” Baalīho basūmba makūmi mpungatī, ba mu numba ya ntemi, baalang'hanagwa na banhū bataale ba mu nzengo gwenūyo.