Thadou Kuki CL (Re-edited) Bible - Pathen Thutheng BU Copyright © 2015 by The Bible Society of India
Pakaiyin hitin, ati, Egypt tohgimna le Ethiopia le Sabea mite sumkolvei ho, misang tahtah ho chu naheng lama hunguva nanga hidiu ahitai. Nanung ahin juijuva, thihkhaova kihenpuma hung galkaijuva, na-anga bohkhup uva, chibai nabohdiu, nahenga lungsetna angeh uva tahbeh-in Pathen nangma-a aum monge, adang aumpoi, Pathen dang himhim aumpoi atidiu ahi.