Papua New Guinea Tok Pisin (Buk Baibel Long Tok Pisin 2008 + DC)
I gat wanpela man bilong taun Maon, nem bilong en Nabal. Em i man bilong lain Kalep. Na em i gat wanpela hap graun klostu long taun Karmel. Em i maniman tru na em i gat 3,000 sipsip na 1,000 meme. Meri bilong en, Abigel, em i naispela meri tumas na i gat planti gutpela tingting na save. Tasol Nabal em i man bilong kros na pasin bilong en i no gutpela. Long dispela taim Nabal i stap long Karmel na ol i wok long katim gras bilong ol sipsip bilong en.