Nehemiah 13:2 — Compare Translations

1 translations compared side by side

Papua New Guinea Tok Pisin (Buk Baibel Long Tok Pisin 2008 + DC)

Na taim ol Israel i harim dispela lo, ol i rausim ol manmeri, papa o mama bilong ol i bilong ol haiden, na ol i no moa larim ol i stap long lain manmeri bilong Israel. As bilong dispela lo i olsem. Taim ol Israel i lusim Isip na i kam, ol Amon na ol Moap i no bin givim kaikai na wara long ol. Na ol dispela lain i bin baim profet Balam long tok bai God i bagarapim ol Israel. Tasol God i no larim Balam i tok olsem. Nogat. Balam i tok long God bai i mekim gut long ol.