1 Chronicles 21:17 — Compare Translations

Tsonga (BIBELE Mahungu Lamanene) 1989

Kutani Davhida a ku ka Xikwembu: “Hi mina ndzi leriseke leswaku vanhu va hlayiwa; xidyoho lexi i xa mina, ndzi endlile leswo biha ngopfu. Kambe vambuyangwana lava, vona va onhile yini xana? We HOSI Xikwembu xanga, ndzi kombela leswaku u ba mina ni vandyangu wa mina, kutani u susa ntungu exikarhi ka vanhu va wena.”

Tsonga (Contemporary Tsonga Bible 2024)

Davhida a ku eka Xikwembu: “Xana a hi mina loyi a leriseke leswaku vanhu va hlayiwa? Ndzi dyohile, kunene ndzi endlile leswo biha; kambe loko ku ri tinyimpfu leti, ti endle yini? Yehovha, Xikwembu xanga, voko ra wena a ri ve ehenhla ka mina, ni le ka yindlu ya tatana; ku nga ri exikarhi ka vanhu va wena, leswaku va lovisiwa.

Tsonga Xitsonga (Bibele) 1929

Davhida a ku eka Xikwembu: “A hi mina loyi ndzi leriseke ku hlaya tiko Xana? Hi mina ndzi dyoheke ndzi endleke lexo biha lexikulu, kambe tinyimpfu leti ti endle yini xana? Yehovha, Xikwembu xanga, voko ra wena a ri ve ehenhla ka mina, ni le henhla ka yindlu ya tatana, ri nga tshuki ri va ehenhla ka tiko ra wena ku ri dlaya!”