1 Chronicles 27:2 — Compare Translations

Tsonga (BIBELE Mahungu Lamanene) 1989

N'hweti yo rhanga Yaxobeyama, n'wana Zabadiele, wa va ka Perese, ndhunankulu ya varhangeri hinkwavo va mavuthu. N'hweti ya vumbirhi Dodayi wa le Ahohi, a seketeriwa hi ndhuna Mikiloto. N'hweti ya vunharhu Benaya, n'wana Yoyada muprista lonkulu. Benaya a a ri un'wana wa ntlawa wa “tinhenha ta 30”, ni murhangeri wa wona; eku fambiseni ka mavuthu ya yena, a a pfunana ni n'wana wa yena Amizabada. N'hweti ya vumune Asahele, makwavo wa Yowabu; loko Asahele a lova, a siviwa hi n'wana wa yena Zebadiya. N'hweti ya vuntlhanu Xamihuti, wa va ka Yiziraha. N'hweti ya vu-6 Ira, n'wana Ikexe wa le Tekowa. N'hweti ya vu-7 Helese wa le Peloni, wa va ka Efrayimi. N'hweti ya vu-8 Sibekayi wa le Huxa, un'wana wa va ka Zera. N'hweti ya vu-9 Abiezere wa le Anatoto, wa va ka Benjamini. N'hweti ya vu-10 Maharayi wa le Netofa, wa va ka Zera. N'hweti ya vu-11 Benaya wa le Piratoni, un'wana wa ka Efrayimi. N'hweti ya vu-12 Helidayi wa le Netofa, un'wana wa va ka Otiniele.

Tsonga (Contemporary Tsonga Bible 2024)

Ndhuna ya ntlawa wo sungula wa n’hweti yo sungula a ku ri Yasobama n’wana wa Sabidiyele, naswona eka ntlawa wakwe a ku ri ni vanhu va 24 000.

Tsonga Xitsonga (Bibele) 1929

Entlaweni lowo rhanga, wa n'hweti yo sungula, ku vekiwile Yaxobuwama, n'wana Zabadiele, ndhuna, ntlawa wa yena a wu ri wa vavanuna va 24 000.