1 Samuel 10:5 — Compare Translations

Tsonga (BIBELE Mahungu Lamanene) 1989

Endzhaku ka sweswo, u ta fika emutini lowu vuriwaka ‘Xintshabyana-xa-Xikwembu’, laha ku nga ni vuthu ra Vafilista. Loko u nghena emutini, u ta hlangana ni ntlawa wa vaprofeta lava rhelelaka va huma exitsungeni lexo hlawuleka, va rhangeriwile hi vachayi va haripa, ni xingomana, ni xitiringo, ni xitende, va ri karhi va vhumbha.

Tsonga (Contemporary Tsonga Bible 2024)

Endzhaku ka sweswo, u ta fika exitsungeni xa Xikwembu, laha varindzi va Vafilista va nga kona; loko u fika emutini, u ta hlangana ni ntshungu wa vaprofeta lava xikaka hi le henhla, va rhangela haripa, xigubu, phayiphi ni xichayachayana; kutani va ta profeta;

Tsonga Xitsonga (Bibele) 1929

Endzhaku ka swona u ta fika eGibeya-Elohimi, laha ku nga ni yindlu ya valanguteri va tiko ra Vafilista. Kutakuloko u nghena kona, emutini, u ta hlangana ni ntlawa wa vaprofeta lava ngirimelaka va suka exivandleni lexi tlakukeke va ri ni timbila, ni ngoma, ni nanga, ni haripa, va ri karhi va bvumbha.