1 Samuel 11:7 — Compare Translations

Tsonga (BIBELE Mahungu Lamanene) 1989

kutani a teka tihavi timbirhi, a dlaya a tsemelela nyama ya kona, a rhuma vanhu va yi yisa etikweni hinkwaro ra Israele, ni xitiviso lexi nge: “Munhu un'wana ni un'wana la alaka ku huma nyimpi a landza Sawulo na Samiele, tihavi ta yena ti ta tsemeleriwa hi ndlela yoleyo.” Kavaloko va ngheniwa hi ku chava HOSI Xikwembu, kutani va huma hinkwavo, ku nga sali munhu ni un'we.

Tsonga (Contemporary Tsonga Bible 2024)

A teka tihomu, a ti tsemelela, a ti rhumela ni varhumiwa etikweni hinkwaro ra Israyele, a ku: “Un’wana ni un’wana loyi a nga landzeleriki Sawulo na Samuwele, u ta endliwa tano eka tihomu ta yena.” Kutani ku chava Yehovha ku wela eka vanhu, va suka hi mbilu yin’we.

Tsonga Xitsonga (Bibele) 1929

kutani a tlhava tihomu timbirhi a xindla tinyama ta tona, a endla mihluvi, kutani a yi rhumela hi vanhu etikweni hinkwaro ra Israele; a ku: “Un'wana ni un'wana loyi a nga tiki huma ku landza Sawulo na Samiele tihomu ta yena ti ta xindliwa hi mukhuva wolowo.” Kutani nchavo wa Yehovha wu khoma tiko, vanhu va huma kukota munhu un'we.