2 Chronicles 31:1 — Compare Translations

Tsonga (BIBELE Mahungu Lamanene) 1989

Loko nkhuvo wu herile, Vaisraele hinkwavo lava a va tile enkhubyeni, va huma va ya emitini ya Yuda, va fika va fayetela maribye ya vugandzeri, va tsema ni timhandze ta Axera, va hindzimuxa tialitari ta le switsungeni leswo hlawuleka, etikweni hinkwaro ra Yuda, ni ra Benjamini, ni ra Efrayimi, ni ra Manase, va nga siyi na yin'we ya tialitari teto. Kutani Vaisraele hinkwavo va hangalaka, un'wana ni un'wana a kongoma ekaya ka yena.

Tsonga (Contemporary Tsonga Bible 2024)

Loko leswi hinkwaswo swi endliwile, Vaisrayele hinkwavo lava a va ri kona va huma va ya emitini ya Yuda, va tshova swifaniso, va tsema mirhi, va mbundzumuxa tialitari leti tlakukeke ni tialitari etikweni hinkwaro ra Yuda ni ra Benjamini, etikweni ra Efrayimi na Manase. Nakambe, ku kondza va va rhukana hinkwavo. Kutani Vaisraele hinkwavo va tlhelela emitini ya vona, un’wana ni un’wana endzhaka ya yena.

Tsonga Xitsonga (Bibele) 1929

Swilo hinkwaswo leswi, kuteloko swi herile, Vaisraele hinkwavo lava ngi va ri kona va suka ku ya emitini ya Yuda, va ya faya swifaniso, va tsema swihlahla swa swifaniso swa Axera va mbundzuxa tindhawu leti tlakukeke ni tialitari ta tiko hinkwaro ra Yuda ni ra Benjamini, ni ra Efrayimi na Manase va ko va heta. Kutani vana va Israele hinkwavo va tlhelela emitini ya vona, un'wana ni un'wana endzhakeni ya yena.