2 Chronicles 8:6 — Compare Translations

Tsonga (BIBELE Mahungu Lamanene) 1989

Solomoni a pfuxa ni muti wa Baalata, a engeta a aka ni miti hinkwayo leyi tinhundzu ta yena ni makalichi ya yena ya nyimpi a swi hlayisiwa eka yona, ni miti leyi vagadi va tihanci a va tshama eka yona. Solomoni ú akile hinkwaswo leswi a swi rhandzeke, eYerusalema, ni le Lebanoni, ni le tindhawini hinkwato leti fumiwaka hi yena.

Tsonga (Contemporary Tsonga Bible 2024)

na Baalati ni miti hinkwayo ya vuhlayiselo leyi Solomoni a a ri na yona, ni miti hinkwayo ya nyimpi ni miti ya vagadi va tihanci ni hinkwaswo leswi Solomoni a a lava ku swi aka eYerusalema ni le Lebanoni ni le tikweni hinkwaro ra vulawuri bya yena.

Tsonga Xitsonga (Bibele) 1929

na Baalata ni miti hinkwayo ya vuhlayiselo leyi ngi yi ri ya yena, ni miti hinkwayo ya tigolonyi, ni miti ya vakhandziyi va tihanci, ni hinkwaswo leswi Solomoni a rhandzeke ku swi aka eYerusalema ni le Lebanoni ni le tikweni hinkwaro ra ku fuma ka yena.