2 Kings 18:17 — Compare Translations

Tsonga (BIBELE Mahungu Lamanene) 1989

Kutani hosi ya le Asiriya yi rhuma Tartani mufambisi wa mavuthu, na Rhabi-Sarisi ndhunankulu ya le ntsindza, na Rhabi-Xake xandla xa yona, leswaku va suka emutini wa Lakixi, va kongoma eka hosi Hezekiya emutini wa Yerusalema, va ri ni nyimpi leyikulu. Kutani va tlhandlukela eYerusalema; loko va fikile, va yima etlhelo ka ndlela ya mati leyi boxiweke, yi huma etiveni ra le n'walungwini, egondzweni leri kongomaka Nsimu-ya-Muhlantswi.

Tsonga (Contemporary Tsonga Bible 2024)

Hosi ya Asiriya yi rhumele Tartani na Rabsarisi na Rabisaka ku suka eLakixi ku ya eka Hosi Hezekiya ni vuthu lerikulu ku ya lwa na Yerusalema. Kutani va tlhandluka, va fika eYerusalema. Loko va tlhandlukile, va fika va yima eka mugodi wa xidziva xa le henhla, egondzweni lerikulu ra nsimu yo hlamba.

Tsonga Xitsonga (Bibele) 1929

Hosi ya Asiriya yi rhuma Tartani, na Rhabi-Sarisi, na Rhabi-Xake va suka eLakixi, va ta eka hosi Hezekiya eYerusalema, va ri ni mavandla lamakulu; kutani va tlhandluka, va fika eYerusalema, Kuteloko va fikile va yima ekusuhi ni nkovotlo wa tiva ra le henhla, leri nga endleleni ya nsimu ya vahlantswi.