2 Kings 25:17 — Compare Translations

Tsonga (BIBELE Mahungu Lamanene) 1989

Hi vumbirhi bya tona, tiphuphu a ti lehile 9 m ku ya ehenhla, ti rhendzeriwile hi xidlodlo xa koporo xa 1,50 m ku ya ehenhla; xidlodlo lexi a xi khavisiwile hi leswi fanaka ni ritavala ra koporo, ni swifaniso swa swihenge swa koporo. Tiphuphu timbirhi leti a ti fanana, ti khavisiwile hi ritavala.

Tsonga (Contemporary Tsonga Bible 2024)

Ku leha ka phuphu yin’we a yi ri swisungunu swa 18, nhloko ya yona a yi ri ya koporo, ku leha ka nhloko a ku ri swisungunu swinharhu; ni mavele ni malapi lama rhendzeleke nhloko, hinkwaswo swi endliwe hi koporo;

Tsonga Xitsonga (Bibele) 1929

Ku leha ka mhandze yin'wana ni yin'wana a swi ri swisungunhu swa 18, ni ku tlakuka ka swirhendzevutana swa koporo leswi ngi swi ri ehenhla ka tona, a swi ri swisungunhu swinharhu. Swirhendzevutana swi rhendzeriwa hi ntirho wa longwe ni magirenada, hinkwaswo a swi ri swa koporo. A swi ri tano eka mhandze ya vumbirhi.