2 Kings 8:29 — Compare Translations

Tsonga (BIBELE Mahungu Lamanene) 1989

Kutani Yoramu a tlhelela eYizriele, a ya tshunguriwa timbanga leti a nga tlhaveteriwa tona hi Vasiriya eRhama, siku leri a nga lwa na Hazaele hosi ya le Siriya. Ahaziya n'wana Yehoramu hosi ya Yuda a ya endzela Yoramu n'wana Akabu eYizriele, a ya n'wi pfuxela eku vabyeni ka yena.

Tsonga (Contemporary Tsonga Bible 2024)

Hosi Yorama a tlhelela eYizriyele leswaku a ya tshunguriwa timbanga leti Vasiriya va n’wi vaveleke tona eRhama, loko a lwa na Hazaele, hosi ya Siriya. Kutani Akaziya, n’wana Yoramu, hosi ya Yuda, a rhelela a ya vona Yoramu n’wana Akabu, eYizriyele, hikuva a a vabya.

Tsonga Xitsonga (Bibele) 1929

Hosi Yoramu a tlhelela eYizriele ku ya hola kona timbanga leti Vasiriya va n'wi tlhaveke eRhama, enyimpini leyi a yi lweke na Hazaele, hosi ya Siriya. Kutani Ahaziya, n'wana Yehoramu, hosi ya Yuda, a ngirimela eYizriele ku ya vona Yoramu n'wana Akabu, hikuva a a vabya.