2 Peter 2:12 — Compare Translations

Tsonga (BIBELE Mahungu Lamanene) 1989

Kambe vanhu lava va fana ni swivumbiwa swo pfumala miehleketo, swiharhi swa nhova swo tswaleriwa ku khomiwa ni ku dlawa ntsena; va sandza etimhakeni leti va nga tiviki nchumu eka tona, kutani va ta herisiwa hi ku herisiwa loku fanaka ni ka swiharhi.

Tsonga (Contemporary Tsonga Bible 2024)

Kambe lava, ku fana ni swiharhi swa ntumbuluko, swa tihanyi, leswi endleriweke ku khomiwa ni ku lovisiwa, va vulavula hi ku hlundzuka hi swilo leswi va nga swi twisisiki; kutani va ta lova hi ku helela eku onheni ka vona;

Tsonga (Testamente Leyimpsha Xichangana)

Kambe vanhu lava vafana ni sviharhi lesvipfumalaka kuyanakanya, sviharhi sva nhova svopsaleliwa kukhomiwa ni kudlayiwa ntsena; vasandza timhakeni leti vangativiki nchumu ka tona, kutani vatahelisiwa hi kuhelisiwa loku kufanaka ni ka sviharhi.

Tsonga Xitsonga (Bibele) 1929

Kambe valavo, kukotisa swiharhi leswi pfumalaka ku twisisa, leswi nga tswariwa hi mukhuva wa misava ku ta khomiwa ni ku lova; va sandza leswi va nga swi tiviki, kutani va ta lova eku onhakeni ka vona, kambe va ta amukela hakelo ya ku homboloka ka vona;