Acts 9:38 — Compare Translations

Tsonga (BIBELE Mahungu Lamanene) 1989

Muti wa Yopa a wu ri kusuhi na Lida; hikokwalaho, loko vadyondzisiwa va twa leswaku Petro ú le Lida, va n'wi rhumela vavanuna vambirhi, va ya n'wi khongela leswaku a ta eYopa, a nga hlweri.

Tsonga (Contemporary Tsonga Bible 2024)

Leswi Lida a a ri ekusuhi na Yopa naswona vadyondzisiwa va twe leswaku Petro u kona, va rhuma vavanuna vambirhi eka yena lava n’wi kombelaka leswaku a nga hlweli ku ta eka vona.

Tsonga (Testamente Leyimpsha Xichangana)

Doropa ra Yopa arili kusuhi na Lida; hi kolaho, loko vajondzisiwa vatwa lesvaku Petrosi a le Lida, vamurhumela vavanuna vambirhi, vayamukombela lesvaku ata Yopa, angahlweli.

Tsonga Xitsonga (Bibele) 1929

kutani, leswi Lida wu nga ekusuhi na Yopa, vadyondzisiwa loko va twa leswaku Petro u kona, va n'wi rhumela vavanuna vambirhi; va n'wi khongela leswaku a ta eka vona, a nga hlweri.