Daniel 5:23 — Compare Translations

Tsonga (BIBELE Mahungu Lamanene) 1989

U tikurisile ngopfu emahlweni ka Xikwembu Hosi ya matilo; swibya swa le ndlwini ya xona, swi tisiwile eka wena; kutani wena ni tindhuna ta wena ni vasati va wena lavakulu ni lavatsongo, mi le ku nweni ka vhinyo hi swibya leswi, mi dzunisa swikwembu swa n'wina swa silivhere, ni swa nsuku, ni swa koporo, ni swa nsimbhi, ni swa timhandze, ni swa maribye. Swikwembu leswi a swi voni, a swi twi, a swi tivi nchumu! Kambe Xikwembu lexi tameleke ku hefemula ka wena ni makungu hinkwawo ya vutomi bya wena, a wu na mhaka na xona, a wu xi dzunisi.

Tsonga (Contemporary Tsonga Bible 2024)

U titlakusile u lwa na Hosi ya matilo; va tisa swibya swa yindlu ya yena emahlweni ka n’wina, kutani n’wina ni tihosana ta n’wina, vasati va n’wina, ni vasati va n’wina lavatsongo, mi nwa vhinyo eka swona; u dzunisile swikwembu swa silivhere ni swa nsuku, swa koporo, swa nsimbi, swa timhandzi, ni swa maribye, leswi nga voniki, ni ku twa, ni ku tiva; a wu dzunisanga Xikwembu lexi ku hefemula ka wena ku nga evokweni ra xona, lexi tindlela ta wena hinkwato ti nga evokweni ra xona.

Tsonga Xitsonga (Bibele) 1929

Kambe u tikurisile emahlweni ka Hosi ya matilo; ku tisiwile emahlweni ka wena mindzheko ya yindlu ya yena; kutani wena, ni tindhuna ta wena, ni vasati va wena, ni swigangu swa wena, mi nwile vhinyo emindzekweni yoleyo, kutani u dzunisile swikwembu swa silivhere, ni swa nsuku, ni swa koporo, ni swa nsimbhi ni swa mitsandze, ni swa maribye, leswi nga riki na ku vona, ni ku yingisa, ni ku tiva; kasi Xikwembu lexi nga fumbarhela ku hefemula ka wena, ni mitila hinkwayo ya wena evokweni ra xona, a ku xi dzunisanga.