Deuteronomy 30:16 — Compare Translations

Tsonga (BIBELE Mahungu Lamanene) 1989

Loko mi yingisa swileriso swa HOSI Xikwembu xa n'wina leswi ndzi mi nyikaka swona namuntlha, mi xi rhandza ni ku famba etindleleni ta xona, mi hlayisa swileriso, ni milawu, ni swiletelo swa xona, xi ta mi katekisa, mi hanya, mi andza etikweni leri mi yaka mi ya ri teka ri va ra n'wina.

Tsonga (Contemporary Tsonga Bible 2024)

Hi yona mhaka leyi namuntlha ndzi ku lerisaka leswaku u rhandza Yehovha Xikwembu xa wena, u famba etindleleni ta yena ni ku hlayisa swileriso swa yena ni milawu yakwe ni swiboho swa yena swa vuavanyisi, leswaku u hanya ni ku andza; Yehovha Xikwembu xa wena u ta ku katekisa etikweni leri u nga ta ri teka.

Tsonga Xitsonga (Bibele) 1929

hikuva ndzi ku lerisa namuntlha ku rhandza Yehovha, Xikwembu xa wena, ni ku famba etindleleni ta yena, ni ku hlayisa milawu ya yena, ni timhaka ta yena, ni ku lerisa ka yena, hi kona u nga ta hanya, ni ku andza, kutani Yehovha, Xikwembu xa wena, xi ta ku katekisa etikweni leri u nga ta nghena eka rona ku ri fuma.