Esther 3:12 — Compare Translations

Tsonga (BIBELE Mahungu Lamanene) 1989

Hi siku ra vu-13 ra n'hweti yo sungula, vamatsalani va hosi va vitaniwa, kutani va tsala nawu hilaha Hamani a va leriseke hakona va nga siyi nchumu, wu rhumeriwa vayimeri va vuhosi eswifundzheni, ni vafambisi va swona hinkwaswo, ni tihosana ta vanhu va swona va tinxaka-xaka; xifundzha xin'wana ni xin'wana xi nyikiwa nawu lowu wu tsariwile hi ririmi ra vanhu va kona ni matsalele ya vona, wu humesiwile hi vito ra hosi Ahasuwerusi ni ku funghiwa hi xingwavila xa yona.

Tsonga (Contemporary Tsonga Bible 2024)

Kutani vatsari va hosi va vitaniwa hi siku ra vukhume-nharhu ra n’hweti yo sungula, kutani swi tsariwile hi ku landza hinkwaswo leswi Hamani a swi byeleke vatirheli va hosi ni valawuri lava a va langutela muganga wun’wana ni wun’wana ni le ka vafumi va matiko hinkwawo lava humaka matiko man’wana. Xifundzha xin’wana na xin’wana xi na matsalelo ya xona, naswona rixaka rin’wana na rin’wana ri na ririmi ra rona; ri tsariwe hi vito ra Hosi Asuwerusi naswona ri funghiwile hi xingwavila xa xingwavila xa hosi.

Tsonga Xitsonga (Bibele) 1929

Hi laha vatsari va hosi va vitaniwaka hi siku ra khume na manharhu ra n'hweti yo sungula; ku tsaleriwa hinkwako hilaha Hamani a leriseke hakona; ku tsaleriwa tindhuna ta hosi, ni vafumi va tiko rin'wana ni rin'wana, ni tihosana ta vanhu van'wana ni van'wana; ku tsaleriwa tiko rin'wana ni rin'wana hi matsalele ya rona, ni vanhu van'wana ni van'wana hi ku vulavula ka vona; matsalwa ma tsariwa hi vito ra hosi Ahasuwerusi, kutani ku tiyisiwa hi xingwavila xa hosi.