Esther 8:9 — Compare Translations

Tsonga (BIBELE Mahungu Lamanene) 1989

Hi siku ra 23 ra n'hweti ya vunharhu, yi nga ya Sivani, ku vitaniwa vamatsalani va hosi, kutani va tsala nawu hilaha Mordekayi a va leriseke hakona va nga siyi nchumu, wu rhumeriwa Vayuda, ni vayimeri va vuhosi eswifundzheni, ni vafambisi va swona, ni tihosana ta swifundzha leswi swa 127, ku sukela le Indiya ku ya fika le Etiyopiya; xifundzha xin'wana ni xin'wana xi kuma nawu wu tsariwile hi ririmi ra vanhu va kona ni matsalele ya vona; na vona Vayuda va tsaleriwa hi ririmi ra vona ni matsalele ya vona.

Tsonga (Contemporary Tsonga Bible 2024)

Kutani vatsari va hosi va vitaniwa hi nkarhi wolowo hi n’hweti ya vunharhu, ku nga n’hweti ya Sifani, hi siku ra vu-23; kutani swi tsariwile hi ku landza hinkwaswo leswi Mordekayi a swi leriseke Vayuda, ni tihosana, ni tihosana, ni valawuri va matiko ku suka eIndiya ku ya fika eKhuxi, ku nga matiko ya dzana na makume-mbirhi-nkombo, eka muganga wun’wana ni wun’wana, hi ku ya hi ku tsala ka yona, vanhu hinkwavo hi ku ya hi ririmi ra vona, ni Vayuda hi ku ya hi matsalelo ya vona, ni hi ririmi ra vona.

Tsonga Xitsonga (Bibele) 1929

Kwalaho vatsari va hosi va vitaniwa hi nkarhi wolowo, ri nga siku ra makume mambirhi na manharhu ra n'hweti ya vunharhu, yi nga n'hweti ya Sivani; ku tsariwa hinkwako hilaha Mordekayi a lerisaka hakona; ku tsaleriwa Vayuda ni tindhuna ta tihosi, ni vafumi, ni tihosana ta matiko, ku suka eIndiya ku fika eEtiyopiya, ma nga matiko ya 127, ku tsaleriwa tiko rin'wana ni rin'wana hi matsalele ya rona, ni vanhu van'wana ni van'wana hi ku vulavula ka vona, ni Vayuda hi matsalele ni ku vulavula ka vona.