Ezekiel 16:36 — Compare Translations

Tsonga (BIBELE Mahungu Lamanene) 1989

Mina HOSI N'wini wa hinkwaswo ndzi ri, loko u ri karhi u rhandzana ni swigangu swa wena, u hluvurile swiambalo hinkwaswo, u sala u lo mbyínyà! U andzisile swikwembu swa wena swa manyala, kutani u halata ngati ya vana va wena emahlweni ka swona.

Tsonga (Contemporary Tsonga Bible 2024)

Yehovha Hosi Leyi Tlakukeke u te, ‘Hikuva thyaka ra wena ri chuluriwile naswona vuhava bya wena byi paluxiwile hi vumbhisa bya wena ni varhandziwa va wena ni swikwembu hinkwaswo leswi thyakeke swa swilo swa wena leswi nyenyetsaka ni hi ngati eka vana va wena va majaha lava u va nyikeke swona;

Tsonga Xitsonga (Bibele) 1929

Ku vula Hosi Yehovha a ku: Leswi u hangalaseke xuma xa wena, ni leswi u kombiseke vusweti bya wena evuoswini bya wena, ni hikwalaho ka swifaniso swa wena swa manyala, ni ngati ya vana va wena lava u nyikeke vona,