Ezekiel 28:2 — Compare Translations

Tsonga (BIBELE Mahungu Lamanene) 1989

“Wena munhu, byela hosi ya le Tiri leswaku mina HOSI N'wini wa hinkwaswo ndzi ni rito eka yona leri nge: U tikurisa ngopfu, u ri: ‘Mina ndzi xikwembu! Ndzi tshamile xiluvelweni xa swikwembu exivindzini xa malwandle!’ Kasi wena u munhu ntsena, a wu xin'wana xa swikwembu! Wo tixisa loko u anakanya leswaku u tlharihile kukota swona.

Tsonga (Contemporary Tsonga Bible 2024)

N’wana wa munhu, byela hosana ya Tiri u ku: Hosi Yehovha u ri: Hikuva mbilu ya wena yi tlakukile, u te: Hi mina Xikwembu, ndzi tshama exiluvelweni xa Xikwembu exikarhi ka lwandle; hambiloko u munhu u nga ri Xikwembu, hambiloko u veka mbilu ya wena ku fana ni mbilu ya Xikwembu.

Tsonga Xitsonga (Bibele) 1929

“N'wana wa munhu, u nge eka hosi ya Tiri, u ku: Hosi Yehovha u ri: Hikuva mbilu ya wena yi titlakusile, u vule leswaku: ‘Ndzi xikwembu, ndzi tshame exitshan'weni xa Xikwembu, exikarhi ka malwandle,’ kambe u munhu, a ku Xikwembu, hambi u veke mbilu ya wena ku fana ni mbilu ya Xikwembu.