Ezekiel 42:13 — Compare Translations

Tsonga (BIBELE Mahungu Lamanene) 1989

Kutani mupimi a ku ka mina: “Makamari ya le n'walungwini ni ya le dzongeni, lama langutanaka ni rivala, i makamari layo hlawuleka; ndhawu ya kona yi hlawulekile, hikuva hi kona laha vaprista lava tirhelaka HOSI Xikwembu eTempeleni va dyelaka ni ku hlayisela kona swakudya leswo hlawuleka swa magandzelo, ku fana ni swa le masin'wini leswi humeseriwaka Xikwembu, kumbe nyama ya magandzelo yo susa swidyoho ni ya magandzelo yo riha milandzu.

Tsonga (Contemporary Tsonga Bible 2024)

U ye emahlweni a ku eka mina: “Makamara ya le n’walungwini ni ya le dzongeni emahlweni ka ndhawu leyi nga yoxe, lawa i makamara yo kwetsima, lawa eka wona vaprista lava tshinelaka eka Yehovha va nga ta dya swilo swo kwetsima ngopfu; ni gandzelo ra swakudya, ni gandzelo ra xidyoho, ni gandzelo ra nandzu; hikuva ndhawu ya kona yi kwetsima.

Tsonga Xitsonga (Bibele) 1929

Kutani a ku eka mina “Makamara ya tlhelo ra n'walungu ni makamara ya le dzongeni, lama xaxameleke ni xivandla xo pfariwa, i makamara ya vukwetsimelo, laha vaprista lava tshinelelaka Yehovha va nga ta dyela swilo swo kwetsimisisa ngopfu kona; hilaha va nga ta veka kona swilo swo kwetsimisisa, tinyiko ni magandzelo ya swidyoho, ni ya milandzu. Xivandla xi kwetsimile.