Ezekiel 44:17 — Compare Translations

Tsonga (BIBELE Mahungu Lamanene) 1989

“Loko Vaprista va nghena etinyangweni ta xivava xa le ndzeni emahlweni ka Tempele, va ta va va ambarile swiambalo swa ntsembyani; va nga tshuki va ambala leswi lukiweke hi voya bya tinyimpfu, loko va ri karhi va tirha etinyangweni ta xivava xa le ndzeni, kumbe endzeni ka Tempele.

Tsonga (Contemporary Tsonga Bible 2024)

Loko va nghena etinyangweni ta xivava xa le ndzeni, va ta ambala ntsembyana; ku nga vi na voya eka vona loko va tirha etinyangweni ta xivava xa le ndzeni ni le xivaveni xa le ndzeni.

Tsonga Xitsonga (Bibele) 1929

“Kutakuloko va nghena hi tinyangwa ta rivala ra le xikarhi, va ta ambala swiambalo swa ntsembyana: va nga ambali voya loko va tirha etinyangweni ta le rivaleni ra le xikarhi ni le ndlwini.