Ezekiel 44:5 — Compare Translations

Tsonga (BIBELE Mahungu Lamanene) 1989

Kutani HOSI Xikwembu xi vulavula na mina xi ku: “We Ezekiele, hlayisa swinene leswi u swi vonaka hi mahlo ni leswi u swi twaka hi tindleve ta wena, swi nga hinkwaswo leswi ndzi ku byelaka swona hi tlhelo ra matshamele ya Tempele ya mina ni milawu ya yona. Kutani u fanele ku xiyaxiya, u hambanisa lava pfumeleriwaka ku nghena exivandleni lexo hlawuleka xa Tempele, ni lava va nga pfumeleriwiki.

Tsonga (Contemporary Tsonga Bible 2024)

Yehovha u ye emahlweni a ku eka mina: “N’wana wa munhu, yingisa, u vona hi mahlo ya wena, u twa hi tindleve ta wena hinkwaswo leswi ndzi ku byelaka swona hi milawu hinkwayo ya yindlu ya Yehovha ni milawu ya yona hinkwayo; u yingisa nyangwa wa yindlu, ni ndlela yin’wana ni yin’wana yo huma endhawini yo kwetsima.

Tsonga Xitsonga (Bibele) 1929

Kutani Yehovha a ku eka mina: “N'wana wa munhu xiyisisa, u vona hi mahlo ya wena, u yingisela hi tindleve ta wena hinkwaswo leswi ndzi ku byelaka swona swa milawu ya yindlu ya Yehovha, ni swa ku lerisa ka yona hinkwako; u xiya swinene leswi nghenaka endlwini ya Yehovha hi tinyangwa hinkwato ta vukwetsimelo.