Ezekiel 45:7 — Compare Translations

Tsonga (BIBELE Mahungu Lamanene) 1989

Hosi ya tiko yi ta averiwa muganga lowu khomanaka ni ndhawu leyo hlawuleka wu tlhela wu khomana ni ndhawu ya muti; muganga wa kona wu ta vandzakana ni tindhawu leti hi matlhelo mambirhi hala ni hala, wu ringana ni miganga ya tinyimba ta Israele hi ku leha; hi tlhelo ra le vupeladyambu wu ta fika eLwandle ra Mediteraniya, hi tlhelo ra le vuxeni wu ta fika endzilekaneni wa tiko ra Israele.

Tsonga (Contemporary Tsonga Bible 2024)

Ku ta va ni xiphemu xa hosi etlhelo lerin’wana ni le handle ka gandzelo ra vukwetsimelo ni ra rifuwo ra muti, ekusuhi ni gandzelo ra vukwetsimelo ni le mahlweni ka tiko leri nga ra muti, evupela dyambu. Etlhelweni ra le vupela-dyambu ni ku suka evuxeni ku ya evuxeni; kutani ku leha ku ta langutana ni xin’wana xa swiphemu, ku sukela endzilakaneni wa le vupela-dyambu ku ya fika endzilakaneni wa le vuxeni.

Tsonga Xitsonga (Bibele) 1929

“Loko yi ri hosi, mi ta yi pambulela tiko hi matlhelo mambirhi ya xivandla xo kwetsima lexi pimiweke, ni ya xivandla xa muti, ku lavana ni xivandla xo kwetsima ni xivandla xa muti; hi le vupeladyambyini ku lavana ni vupeladyambu, ni le vuxeni ku lavana ni vuxa; ku va ku leha loku ringanaka ni xivandla xin'we xa kona, ku suka endzilakaneni wa vupeladyambu ku ya fika endzilakaneni wa vuxa.