Ezekiel 46:12 — Compare Translations

Tsonga (BIBELE Mahungu Lamanene) 1989

“Siku mufumi wa tiko a tibohaka ku ndzi humesela magandzelo hi ku titwa ka yena, ma nga magandzelo lama hisiwaka kumbe ya xinakulobye, vaprista va ta n'wi pfumelela ku nghena hi nyangwa leyi langutaka evuxeni, a humesa magandzelo ya kona ku fana ni loko a humesa magandzelo ya Savata; loko a hetile, ú ta suka a famba, kutani nyangwa yi pfariwa.

Tsonga (Contemporary Tsonga Bible 2024)

Loko hosi yi tiyimisela ku lunghiselela gandzelo ro hisiwa kumbe magandzelo yo nkhensa Yehovha, yi ta yi pfulela nyangwa leyi languteke evuxeni, yi lunghiselela gandzelo ra yona ro hisiwa ni magandzelo ya yona yo nkhensa hilaha swi endliwaka hakona hi siku ra Savata. Sweswi u fanele ku huma; kutani endzhaku ka loko a humile, un’wana u pfala nyangwa.

Tsonga Xitsonga (Bibele) 1929

Loko hosi yi humesa mhamba hi ku swi rhandza, hambi yi ri holokosta, kumbe magandzelo yo khensa, ma ri magandzelo yo swi rhandza, yi ta pfuleriwa nyangwa ya le vuxeni, kutani holokosta ya yona, kumbe magandzelo ya yona yo khensa swi ta endliwa kukotisa loko ku endliwa hi Savata; yi ta huma, kutani nyangwa yi ta pfariwa loko yi humile.