Ezekiel 8:3 — Compare Translations

Tsonga (BIBELE Mahungu Lamanene) 1989

Kutani a tshambuluta xilo lexi fanaka ni voko, a ndzi khoma hi misisi; kutani exivonweni lexi HOSI Xikwembu xi ndzi kombeke xona, ndzi tikuma ndzi tlakuriwile hi Moya wa xona, ndzi hahiseriwa empfhukeni, ndzi ya vekiwa eYerusalema, kusuhi ni nyangwa ya le n'walungwini, hi le ndzeni ka yona. Kutani endhawini leyi, a ku ri ni xifaniso xa xikwembu xa hava, xi nga xilo lexi hlundzukisaka HOSI Xikwembu.

Tsonga (Contemporary Tsonga Bible 2024)

Hiloko a humesa voko, a ndzi khoma hi nhamu ya nhloko; kutani moya wu ndzi teka exikarhi ka misava ni tilo, wu ndzi tisa emahlweni ka Xikwembu, eYerusalema, enyangweni ya nyangwa ya le ndzeni, leyi languteke en’walungwini; laha xitulu xa xifaniso xa mavondzo a xi ri kona, lexi tswalaka mavondzo.

Tsonga Xitsonga (Bibele) 1929

A tshambuluta xilo lexi nga voko, xi ndzi khoma hi misisi, kutani moya wu ndzi tlakulela empfhukeni, enorhweni, wu ndzi tisela Yerusalema, enyangweni ya le ndzeni leyi langutaka en'walungwini, laha ku nga ni xitshamo xa xifaniso xa rilondzo lexi pfuxaka rilondzo.