Galatians 4:30 — Compare Translations

Tsonga (BIBELE Mahungu Lamanene) 1989

Kambe Matsalwa ma ri yini ke? Ma ri: “Hlongola nsati lowa hlonga ni n'wana wa yena, hikuva n'wana wa hlonga a nga na ku averiwa ndzhaka swin'we ni n'wana wa nsati wa xitekwa la nga riki hlonga.”

Tsonga (Contemporary Tsonga Bible 2024)

Kambe Tsalwa ri ri yini? Hlongola hlonga ra xisati ni n’wana wa rona, hikuva n’wana wa hlonga ra xisati a nga ka a nga dyi ndzhaka swin’we ni n’wana wa wansati la ntshunxekeke.

Tsonga (Testamente Leyimpsha Xichangana)

Kambe Matsalwa mali yini ke? Mali: “Hlongola nsati lweyi wa xikarawa ni n'wana wa yena, hikuva n'wana wa xikarawa angakala angayaveliwi ndzhaka svin'we ni n'wana wansati wa kutekiwa lweyi angaliki xikarawa.”

Tsonga Xitsonga (Bibele) 1929

Kambe Matsalwa ma te yini? “Hlongola mufuyiwa ni n'wanakwe; hikuva n'wana wa la fuyiwaka a nga ka a nga dyi ndzhaka swin'we ni n'wana wa la nga fuyiwiki.”