Hebrews 10:1 — Compare Translations

Tsonga (BIBELE Mahungu Lamanene) 1989

Leswi Nawu wu nga ndzhuti ntsena wa leswo saseka leswi nga ta humelela, ematshan'wini ya ku va xivumbeko xa xiviri xa swilo swa kona, wu nga ka wu nga swi koti, hi magandzelo man'we ni lama humesiwaka kambe na kambe malembe hinkwawo, ku endla leswaku lava tshinelelaka Xikwembu va va lava hetisekeke.

Tsonga (Contemporary Tsonga Bible 2024)

Hikuva nawu lowu nga ni ndzhuti wa swilo leswinene swa nkarhi lowu taka, ku nga ri xifaniso xa swilo, a wu nge pfuki wu endle leswaku lava taka eka wona va hetiseka hi magandzelo wolawo lawa a va tshamela ku ma humesa lembe ni lembe.

Tsonga (Testamente Leyimpsha Xichangana)

Lesvi Nawu wunga ndzhuti ntsena wa lesvosaseka lesvingatahumelela, ahi ntiyiso wa xiviri wa svilo svakona, xilesvo svingakala svingasvikoti, kuva timhamba tin'we ni leti tihumesiwaka hi kuphindhaphindha malembe hinkwawu, kuyendla lesvaku lavatshinelelaka Xikwembu vava lavahetisekeke.

Tsonga Xitsonga (Bibele) 1929

Hikuva nawu, leswi wu nga ndzhuti wa leswo saseka leswi nga ta humelela, swi nga riki xifaniso xa xiviri xa timhaka, wu tsandzekile ku hetisisa, ni siku ni rin'we, lava tshinelelaka magandzelo lama humesiwaka hi masiku hi lembe rin'wana ni rin'wana.