Isaiah 66:3 — Compare Translations

Tsonga (BIBELE Mahungu Lamanene) 1989

“Munhu loyi a ndzi humeselaka magandzelo hi homu, wa ha ri yena loyi a gandzelaka swikwembu swin'wana hi ku dlaya munhu; loyi a ndzi tlhavelaka nyimpfu, wa ha ri yena loyi a tlhavelaka swikwembu swin'wana embyana; loyi a ndzi humeselaka magandzelo hi swa le masin'wini, wa ha ri yena loyi a humeselaka swikwembu swin'wana ngati ya nguluve; loyi a ndzi hiselaka mirhi ya risuna, wa ha ri yena loyi a dzunisaka swikwembu swa swifaniso. Vanhu lava va endla hi ku rhandza, va tsakela swilo swa vona swa manyala.

Tsonga (Contemporary Tsonga Bible 2024)

Loyi a dlayaka homu u fana ni loyi a dlayaka munhu; loyi a endlaka gandzelo hi xinyimpfana u fana ni loyi a tsema nhamu ya mbyana; loyi a humesaka gandzelo ra swakudya u fana ni loyi a nyikelaka ngati ya nguluve; Loyi a hisaka mirhi ya risuna u fana ni loyi a katekisaka xikwembu xa hava. Ina, va tihlawulele tindlela ta vona, moya-xiviri wa vona wu tsakela manyala ya vona.

Tsonga Xitsonga (Bibele) 1929

La tlhavaka homu, a kotisa loyi a dlayaka munhu, la gandzelaka hi nyimpfu, a kotisa loyi a tlhavaka mbyana; la humesaka nhlengo, a kotisa la humesaka ngati ya nguluve, la hisaka mirhi ya risuna, a fana ni la katekisaka swifaniso swa swikwembu. Valavo hinkwavo va titsakela etindleleni ta vona, kutani moya wa vona wu tsakela manyala ya vona.