Jeremiah 31:12 — Compare Translations

Tsonga (BIBELE Mahungu Lamanene) 1989

Va ka Yakobo va ta ta entshaveni ya Siyoni va ri karhi va yimbelela, va ta ba huwa ya ntsako; va ta tlangela vunene bya mina HOSI, hikuva ndzi ta va nyika mavele ni vhinyo ni mafurha, ndzi andzisa swifuwo swa vona leswikulu ni leswitsongo. Va ta hanya va tsakile, va nga ha twi torha, va fana ni ntanga lowu cheletiwaka.

Tsonga (Contemporary Tsonga Bible 2024)

Hikokwalaho, va ta ta va ta yimbelela ehenhla ka Siyoni, va chulula vunene bya Yehovha swin’we ni koroni, vhinyo, mafurha, mintlhambi ya tinyimpfu ni tihomu; moya-xiviri wa vona wu ta fana ni ntanga lowu cheletiweke; naswona a va nge rili nikatsongo.

Tsonga Xitsonga (Bibele) 1929

Va ta ta va huwelela hi ku tsaka eswitsungeni swa Siyoni; va ta tsutsumela vunene bya Yehovha, yi nga koro, ni vhinyo ni mafurha, ni leswi tswariweke hi tinyimpfu ni tihomu; mimoya ya vona yi ta kotisa ntanga lowu cheletiweke swinene, a va nga ha tshami eku vavisekeni.