Jeremiah 36:32 — Compare Translations

Tsonga (BIBELE Mahungu Lamanene) 1989

Hiloko Yeremiya a teka buku yin'wana, a yi nyika Baruku n'wana Neriya matsalani wa yena. Kutani Baruku a tsala eka yona leswi Yeremiya a n'wi byeleke swona, ma nga marito hinkwawo lawa a ma ri ebukwini leyi hisiweke hi Yoyakimi hosi ya Yuda; kutani ku engeteleriwa marito man'wana layo tala, lama fambelanaka ni layo sungula.

Tsonga (Contemporary Tsonga Bible 2024)

Kutani Yeremiya a teka buku-nsongwa yin’wana a yi nyika Baruku mutsari, n’wana wa Neriya; loyi a tsaleke eka yona ku suka enon’wini wa Yeremiya, marito hinkwawo ya buku leyi Yoyakimi hosi ya Yuda a yi hiseke hi ndzilo; naswona ku engeteriwa marito yo tala lama fanaka eka wona.

Tsonga Xitsonga (Bibele) 1929

Kutani Yeremiya a teka buku yin'wana a yi nyika Baruku, n'wana Neriya, mutsari, a tsala eka yona hi nomu wa Yeremiya marito hinkwawo ya buku leyi Yoyakimi, hosi ya Yuda, ingi a yi hisile hi ndzilo; kambe va yi engetela hi marito yo tala kukotisa layo rhanga.