Joshua 1:15 — Compare Translations

Tsonga (BIBELE Mahungu Lamanene) 1989

ku kondza HOSI Xikwembu xi wisisa vamakwenu ku fana na n'wina; kutani na vona va ta teka tiko leri HOSI Xikwembu xa n'wina xi va nyikaka rona; hi kona n'wina mi nga ta tlhelela etikweni leri mi nyikiweke rona, kutani tiko leri Muxe nandza wa HOSI Xikwembu a mi nyikeke rona hi tlhelo ra le vuxeni bya nambu wa Yordani ri ta va ndzhaka ya n'wina.”

Tsonga (Contemporary Tsonga Bible 2024)

kukondza Yehovha a wisa vamakwenu hilaha a ku nyikeke hakona, va tlhela va dya ndzhaka ya tiko leri Yehovha, Xikwembu xa wena, a va nyikaka rona; kutani u ta tlhelela etikweni ra ndzhaka ya wena, u dya leswi Muxe, nandza wa Yehovha, a ku nyikeke swona etlhelweni lerin’wana ra Yordani loko dyambu ri huma.

Tsonga Xitsonga (Bibele) 1929

Yehovha a kondza a nyika vamakwenu ku wisa kukotisa n'wina; kutani na vona va ta nghena etikweni leri Yehovha, Xikwembu xa n'wina, a va nyikaka rona ku ri fuma; hi kona mi nga ta tlhelela etikweni leri nga ra n'wina, kutani mi ta ri fuma, ri ri tiko leri Muxe, nandza wa Yehovha, a mi nyikeke rona ehase ka Yordani, evuxeni.”