Joshua 18:12 — Compare Translations

Tsonga (BIBELE Mahungu Lamanene) 1989

En'walungwini ndzilekana wa va ka Benjamini wu sukela enambyeni wa Yordani, kutani wu tlhandluka wu kongoma exintshabyaneni lexi nga en'walungwini wa Yeriko, wu ya emahlweni wu tsemakanya hi le magangeni wu kongoma evupeladyambu wu ya helela emananga ya Beta-Avene.

Tsonga (Contemporary Tsonga Bible 2024)

Ndzilakana wa vona wu kongoma en’walungwini a wu suka eYordani; ndzilakano wu tlhandlukela etlhelo ka Yeriko wu kongoma en’walungwini wu tlhandlukela etintshaveni evupela-dyambu; kutani ndlela ya yona yo hetelela a yi ri emananga ya Beta-Aveni.

Tsonga Xitsonga (Bibele) 1929

Ndzilakana wa vona en'walungwini, wu suka eYordani, wu khandziya entsungeni wa Yeriko, en'walungwini; kutani wu khandziya entshaveni, evupeladyambu, kutani wu ya fika emananga ya Beta-Avene.