Jude 1:12 — Compare Translations

Tsonga (BIBELE Mahungu Lamanene) 1989

Vanhu lava i swivati eminkhubyeni ya n'wina ya ntwanano, loko va ri karhi va cina va nwa ngopfu va nga ri na tingana, va tiphina. I mapapa lawa ya nga hava mpfula, lama yisiwaka hala ni hala hi ku hunga ka mimoya; i mirhi ya vuxika yo pfumala mihandzu, yo fa kambirhi hi ku tsuvuriwa;

Tsonga (Contemporary Tsonga Bible 2024)

Leswi i swivati eminkhubyeni ya n’wina ya rirhandzu loko va dya na n’wina, va tidyisa handle ko chava; mirhi leyi mihandzu ya yona yi omeke, leyi nga riki na mihandzu, leyi feke kambirhi, leyi handzuriweke hi timitsu;

Tsonga (Testamente Leyimpsha Xichangana)

Vanhu lava i svivati minkhubzeni ya n'wina ya rirhandzu, loko vali karhi vacina vanwa ngopfu na vangali na tingana, vatiphina voxe. I marefu lawa mangahava mpfula, lawa mayisiwaka hala ni hala hi kuhunga ka mimoya; i minsinya ya vuxika yopfumala mihandzu, leyidlayiweke kambirhi hi kutsuvuliwa ni timintsu;

Tsonga Xitsonga (Bibele) 1929

Valavo i swivati emikhubyeni ya n'wina ya rirhandzu, loko va ri karhi va dya na n'wina, va nga chavi nchumu loko va tixurhisa. I mapapa lama nga riki na mpfula, lama yisiwaka hala ni hala hi mheho; i mirhi leyi hlanhliweke hi vuxika, leyi nga velekiki, leyi feke kambirhi, leyi tsuvuriweke.