Judges 18:1 — Compare Translations

Tsonga (BIBELE Mahungu Lamanene) 1989

Enkarhini lowu, Vaisraele a va nga ri na hosi. Va ka Dani a va nga si kuma ndhawu leyi yi nga ta va ndzhaka ya vona exikarhi ka Vaisraele, kutani a va ha ri eku laveni ka ndhawu leyi va nga ta tshama eka yona yi va ndzhaka ya vona.

Tsonga (Contemporary Tsonga Bible 2024)

Enkarhini wolowo a ku nga ri na hosi eIsrayele, naswona enkarhini wolowo vanhu va nyimba ya Dani a va lava ndzhaka leyi va nga ta aka eka yona; hikuva ku fikela siku rero, a va nga si kuma ndzhaka ya vona hinkwayo exikarhi ka tinyimba ta Israele.

Tsonga Xitsonga (Bibele) 1929

Emikarhini yoleyo, a ku nga ri na hosi eIsraeleni. Enkarhini wolowo, va nyimba ya Dani a va tilavela tiko ra ndzhaka leri va nga akaka eka rona, hikuva a va nga si averiwa ndzhaka etinyimbeni ta Israele ku fikela siku rero.