Judges 20:22 — Compare Translations

Tsonga (BIBELE Mahungu Lamanene) 1989

Hiloko Vaisraele va tlhandluka va ya eBetele, va fika va rila emahlweni ka HOSI Xikwembu dyambu ri kondza ri pela, kutani va vutisa eka xona, va ku: “Xana hi nga tlhela hi ya lwa ni vamakwerhu va ka Benjamini xana?” Xona xi va hlamula xi ku: “Fambani mi ya lwa na vona.” Hiloko Vaisraele va tlhela va kuma matimba, va xaxamela endhawini leyi a va ri eka yona hi siku ro sungula, va tilulamisela ku lwa.

Tsonga (Contemporary Tsonga Bible 2024)

Kutani vanhu, vavanuna va Israyele, va tinyike matimba, va tlhela va lwa endhawini leyi va lunghiseleleke eka yona hi siku ro sungula.

Tsonga Xitsonga (Bibele) 1929

Hambiswiritano, tiko, vavanuna va Israele va tiyisa mbilu, va engeta va lunghisa nyimpi hilaha va nga yi lunghisa kona eku sunguleni.