Leviticus 11:42 — Compare Translations

Tsonga (BIBELE Mahungu Lamanene) 1989

Xihadyana xin'wana ni xin'wana lexi fambaka hi khwiri, kumbe lexi fambaka hi milenge ya mune, kumbe lexi fambaka hi milenge yo tala, swi nga swihadyana hinkwaswo leswi tateke misava, ku dya swona swa yila.

Tsonga (Contemporary Tsonga Bible 2024)

Hinkwaswo leswi famba-fambaka hi khwiri ra xona, ni xin’wana ni xin’wana lexi fambaka hi milenge ya mune, kumbe xin’wana ni xin’wana lexi nga ni milenge yo tala exikarhi ka swilo hinkwaswo leswi hahaka emisaveni, u nga swi dyi; hikuva i manyala.

Tsonga Xitsonga (Bibele) 1929

Loko swi ri swikokovi hinkwaswo swa la emisaveni, mi nga tshuki mi dya swona, hambi swi ri leswi kokovaka hi khwiri, hambi leswi fambaka hi mune wa milenge, kumbe hi milenge leyo tala.