Numbers 18:26 — Compare Translations

Tsonga (BIBELE Mahungu Lamanene) 1989

“U ta byela Valevhi leswaku mina HOSI ndzi ri: ‘Loko mi amukela vukhume lebyi humesiwaka hi Vaisraele, lebyi ndzi mi nyikaka byona byi va ndzhaka ya n'wina, mi fanele ku humesa nhlengo eka byona mi wu nyika mina HOSI; nhlengo lowu wu ta va vukhume bya vukhume lebyi humesiweke hi Vaisraele.

Tsonga (Contemporary Tsonga Bible 2024)

Vulavula ni Valevhi u va byela u ku: “Loko mi tekela vana va Israyele xiphemu xa vukhume lexi ndzi va nyikeke xona xi va ndzhaka ya n’wina, mi ta tisa gandzelo ra xona eka Yehovha, ku nga xiphemu xa khume xa vukhume.

Tsonga Xitsonga (Bibele) 1929

“U ta byela Valevhi, u ku eka vona: ‘Kutakuloko mi amukela eka vana va Israele ku pambula ka vukhume lebyi ndzi mi nyikeke hi vito ra vona leswaku yi va ndzhaka ya n'wina, mi ta pambulela Yehovha nhlengo, hi leswaku vukhume bya vukhume;