Romans 7:3 — Compare Translations

Tsonga (BIBELE Mahungu Lamanene) 1989

Hikokwalaho, loko a tekana ni wanuna un'wana, kasi nuna wa yena wa ha hanya, ú ta vuriwa muoswi; kambe loko nuna wa yena a file, ú ntshunxekile enawini; swi vula leswaku loko a tekana ni wanuna un'wana, a nga ka a nga vuriwi muoswi.

Tsonga (Contemporary Tsonga Bible 2024)

Loko nuna wa yena a ha hanya, a tekiwa hi wanuna un’wana, u ta vuriwa muoswi; kambe loko nuna wa yena a file, u ntshunxekile eka nawu wolowo; lerova a nga ri muoswi, hambileswi a tekiweke hi wanuna un’wana.

Tsonga (Testamente Leyimpsha Xichangana)

Hikolaho, loko atekana ni wanuna mun'wana, kasi nuna wa yena wahahanya, atahlayiwa muwosvi; kambe loko nuna wa yena afile, atshunxekile nawini; svihlaya lesvaku loko atekana ni wanuna mun'wana, angakala angavuliwi muwosvi.

Tsonga Xitsonga (Bibele) 1929

Loko swi ri tano, loko a tekana ni wanuna un'wana, nuna wa yena loko a ha hanya, u ta vuriwa muoswi; kambe loko nuna wa yena a file, u tshunxiwile enawini; hileswaku loko a tekana ni nuna un'wana, a nga ka a nga vuriwi muoswi.