1 Corinthians 10:13 — Compare Translations

2 translations compared side by side

ହଡ଼କକେ ହବାଅଃତାନ୍‌ ବିନିଡ଼ାଅ ବାଗିକେଦ୍‌ତେ ଆଡଃ ଏଟାଃଲେକାନ୍‌ ବିନିଡ଼ାଅରେ ଆପେ କାପେ ଉୟୁଃକାନା । ମେନ୍‌ଦ ପାର୍‌ମେଶ୍ୱାର୍‌ ଆୟାଃ ବାନାର୍‌ସା ଦହ ନାଗେନ୍ତେ ପାତିୟାରଃ ଲେକାନ୍‌ନିଃ ତାନିଃ । ଏନାମେନ୍ତେ ଇନିଃ ଆପେକେ କା ସାହାତିଙ୍ଗ୍‌ୟେଁ ଲେକାନ୍‌ ବିନିଡ଼ାଅରେ କାଏ ଉୟୁଃପେୟା । ଆପେୟାଃ ବିନିଡ଼ାଅ ଇମ୍‌ତା ସାହାତିଙ୍ଗ୍‌ ନାଗେନ୍ତେ ପାର୍‌ମେଶ୍ୱାର୍‌ ଆପେକେ ପେଡ଼େଃ ଏମାପେୟାଏ ଆଡଃ ବାଞ୍ଚାଅଃ ନାଗେନ୍ତେ ହରାଏ ଉଦୁବାପେୟା ।

ଆପେ ଜାହାନ୍ ଏନ୍ ଲେକାନ୍ ପାରୀକ୍ଷା ରେ କାପେ ଉୟୁକାନା, ଅକନାଃ ହୋଡ଼ ରାଃ ସାହାତିଙ୍ଗ୍ ତେ ବାହ୍‍ରେ ତାନାଃ। ପାର୍ମେଶ୍ଵାର୍ ବିଶ୍ଵାସେ ଲେକାନିଃ ତାନିଃ ଆଡୋଃ ଇନିଃ ଆପେକେ ପେଡ଼େଏ ତେ ବାହାରି ପାରୀକ୍ଷା ରେ କାଏ ଉୟୁଃ ଇଚାପେୟାଏ, ମେନ୍ଦୋ ପାରୀକ୍ଷା ଏତେ ଅଡୋଙ୍ଗ୍ ପେୟାଏ ଚି ଆପେ ସାହାତିଙ୍ଗ୍ ଧାଡ଼ିୟାପେ।