Waray
Tikang ha mga higrayo nga dapit sugad han mga amihanan nga tribo ni Isacar, Zabulon, ug Neftali, inmabot an mga tawo nga may-ada dara nga mga kamelyo, asno, kabayo, ug mga baka nga kargado hin mga pagkaon—arina, igos, pasas, bino, ug lana hin olibo. Nagdara liwat hira hin mga irihawon nga mga baka ug karnero. Ini ngatanan ira pagpakita han kalipay han bug-os nga nasod han Israel.