Jonah 2

Amharic Dawro DFBE (ጌሻ ማጻፋ) No Year

← Chapter 1 Jump to: Chapter 3 →

1ዮናስ ሞልያ ኡሉዋን ደኢደ፥ ሀዋዳን ያጊደ፥ መና ጎዳኮ፥ ባረ ጾሳኮ፥ ዎሴዳ፤

2“ታን ታ ቱጋ ግዶን ደኣደ መና ጎዳ ጼሳድ፤ ጼስና እ ታዉ ኮዬዳ። ታን ስኦልያ ኡሎ ግዶን ደኣደ ዋሳድ፤ ኔንካ ታ ዋሱዋ ስሳዳ።

3ኔን ታና ጪማ አባ ጋርሳን ዱገ ኦላዳ፤ ሃይ ታ ዩሹዋ ዶዴዳ፤ ነ ኡምቡለትያ ነ ቤታይ ታ ቦላና አድኖ።

4ሄዋ ግሻዉ፥ ታን ሀዋዳን ያጋድ፤ ‘ታን ነ ስንፐ ዎራ ኦለታድ፤ ግዶፐነ፥ ታን ነ ጌሻ ጎልያ ዛራደ በአና’ ያጋድ።

5“ሃይ ታዉ ቆያ ጋካናዉ ምቴዳ፤ ጪማ አባይ ታና ሙኬዳ፤ አባን ደእያ ማታይካ ታ ሁጲያን ጻጸቴዳ።

6ታን ደር ባሰቴዳ ሳኣ ዱገ ዎአድ፤ ቢታንነ አ ኩቡዋን መናዉ ጎርደታድ። ሽን አቤት መና ጎዳዉ፥ ታ ጾሳዉ፥ ኔን ታ ሸምፑዋ ጪማ ኦላፐ ከሳዳ።

7“ታን ዎደ፥ ኔና መና ጎዳ ሀሳያድ። ታ ዎሳይካ ኔኮ፥ ነ ጌሻ ጎልያ ማቅዳስያ ጋኬዳ።

8ሀዳ ኤቃቶ ጎይንያዋንቱ ግኦድአን አማነትያዋ አጌድኖ።

9ሽን ታን ጋላታና ነዉ ያርሻና፤ ታን ሺቄዳዋ ኡባካ ጋና። አያዉ ጎፐ፥ አቶተይ መና ጎዳፐ ዬ” ያጌዳ።

10ሄዋፐ ጉየ፥ መና ጎዳይ ሞልያ አዛዝና፥ ሞሊ ዮናሳ ቢታ ቦላን ጮሼዳ።

← Chapter 1 Jump to: Chapter 3 →