Lamentations 5

Amharic Dawro DFBE (ጌሻ ማጻፋ) No Year

← Chapter 4 Jump to:

1አቤት መና ጎዳዉ፥ ኑ ቦላ ጋኬዳዋ ኡባ ሀሳያ፤ ኑና ጼላ፤ ኑ ካዉሻካ በአ!

2ኑ ላታ ቢታይ አላጋቶ፥ ኑ ጎሊካ በተቶ እመቴዳ።

3ኑን አዉ ሀይቄዳ ናናቱዋ ግዴዶ፤ ኑ አየቱካ አምኤ ማጫ አሳ ግዴድኖ።

4ኑ ኡሽያ ሃዉ ሚሻ ጭጌቶ፤ ኤያ ምካ ሻም አኬቶ።

5ኑና የደርስያዋንቱ ኑ ግንድያ ጻጱዋ ጋኬድኖ። ኑን ዳቡሬዶ፥ ሽን ሸምፓናዉ ዳንዳይበይኮ።

6ኑን ቁማ ካላና ጊደ፥ ግብጼ አሳቶነ አሶረ አሳቶ ኩሽያ እሜዶ።

7ናጋራ ኦዳዋንቱ ኑ ማይዛ አዎቱዋ፤ ሽን ኡንቱንቱ ሀእ ደእክኖ። ኡንቱንቱ አካናዉ በስያ ሙሩዋ አክያዋንቱ ኑና።

8አይለቱ ኑና ሞድያዋንታ ግዴድኖ፤ ኡንቱንቱ ኩሽያፐካ ኑና ዎ አክያዌ እቱነ ባዋ።

9ማሻን ዎያዋንቱ ባዙዋን ደእያ ድራዉ፥ ኑን ኑ ሸምፑዋ ሸነኮ ጊደ፥ ኑ ቁማ ደሜዶ።

10ኮሻይ ሱሌዳ ጋሱዋን ሀርግና፥ ኑ ጋልባይ ታማ ጮጭያዳን ምቼ።

11ጽዮነን ማጫ አሳቱዋ፥ ይሁዳ ካታማቱዋንካ ዎዶሮቱዋ ዎልቃን ኦይቂደ ባይዜድኖ።

12ካፓቱዋ አፊደ ካቄድኖ፤ ጭማቱካ ቦንቼትበይክኖ።

13ያላጋ አቱማ አሳቱ ዎጻን ጋጬድኖ፤ አቱማ ናናቱካ ዴጾ ም ቶኪደ ጋንድጋሬድኖ።

14ጭማ አሳቱ ካታማ ፐንገን ፕርዳናዉ ኡትያዋ አጌድኖ፤ ያላጋ አቱማ አሳቱ የ የጽያዋ አጌድኖ።

15ኑ ዎዛናፐ ናሸቻይ ብ ክቼዳ፤ ኑ ዱሩሳይካ ዬኮ ላመቴዳ፤

16ካላቻይ ኑ ሁጲያፐ ኩንድ ክቼዳ። ኑን ናጋራ ኦዳ ድራዉ፥ ኑዉ አየ አና!

17ሄዋ ድራዉ፥ ኑ ዎዛናይ ዳቡሬዳ፤ ኑ አይፊካ ጋልጄዳ።

18አያዉ ጎፐ፥ ጽዮነ ደሪ መላ ግዴዳ፤ ዎራካናቱካ አን ስመረቲኖ።

19ሽን አቤት መና ጎዳዉ፥ ኔን መናዉ ካዉታሳ፤ ነ ካዉተ አራታይካ የለታ ኡባ ጋካናዉ ደኤ።

20ኔን ኑና አያዉ ኡባ ዎደ ዶጋይ? ቃይ ሀዋ ኬሻ አዱሳ ዎድያ ኑና አያዉ አጋይ?

21አቤት መና ጎዳዉ፥ ኑና ኔኮ ዛራ፤ ኑንካ ስማና! ኑ ዎድያካ በንዋዳን ዛራደ ኦራ!

22ኔን ኑና ኡባ ሙለ አጋዲየ? ነ ሀንቆካ ዛዋይ ባዌየ?

← Chapter 4 Jump to: